Grupu Llinguísticu Llïonés
De Llionpedia
El grupu llinguísticu Llïonés, chamáu pur dalgunos asturllïonés[1], ye un grupru llinguísticu que comprende tres llinguas: la llingua Llïonesa, el Bable Asturianu y la llingua Mirandesa.
Conteníu |
Bable Asturianu
El Bable Asturianu [2] (nomáu asina ente outros pur diferentes filólogos cumu Emilio Alarcos, miembru de la Real Academia de la Lengua Española ou Jesús Neira) fálase en parte de la provincia d'Asturias, Hespaña, cunta cun 100.000 falantes sigún Etnologue[3] y tien ciertu reconocimientu llegal nel sou estatutu d'Autonomía. El Gobiernu d'Asturias tien organismu autonómicu pa las llinguas, la Dirección Xeneral de Política Llingüística del Principáu d'Asturies, que s'ocupa del Bable Asturianu y del Gallegu n'Asturias nel territoriu de la Comunidá Autónoma del Principáu d'Asturias. El Principáu d'Asturias tien outra istitución pa las llinguas del sou territoriu, l'ALLA que ye la encargada de la fixación ortugráfica del Bable/Asturianu y del Gallegu esclusivamente nel Principáu d'Asturias. D'este organismu del Principáu, pa intentare daye prestixu, nománunse miembros de deillas procedencias. [4].
Llingua Llïonesa
La llingua Llïonesa ye la llingua propia del Reinu de Llión, falánduse nas provincias Hespañolas de Llión, Zamora y Salamanca y nel Distritu Pertués de Bregancia. Ta llegalmente reconocida n'Hespaña nel Estatutu d'Autonomía de Castiella y Llión, que permite la sua ensñanza y'l sou usu y puede adeprendese nos colexos de la ciudá de Llión. Hai deillos cursos p'adultos nas principales ciudaes del territoriu, cumu Llión, Zamora ou Salamanca. L'Asociación Cultural de la Llingua Llïonesa El Fueyu y'l Conceyu de Llión son los encargaos de la docencia uficial. El Conceyu de Llión impulsa una política de promoción y usu de la llingua Llïonesa al traviés de dalgunas de las suas conceyerías, permitiendu a los ciudadanos dirixise a l'alministración en llingua Llïonesa.
Llingua Mirandesa
Reconocida uficialmente pula República Pertuesa, fálase na Tierra de Miranda (Pertual). Puede adeprendese nos colexos, y tien una importante vertiente lliteraria nos cabeiros años.
Vere tamién
Referencias
- ↑ Esta referencia ta fundamentada nos dous principales países que comprende esti grupu, Asturias y el País Llïones.
- ↑ Ley 1/1998, de 23 de marzo, de uso y promoción del bable/asturiano.
- ↑ http://www.ethnologue.com/show_language.asp?code=ast
- ↑ Son miembros d'esta istitución del Principáu pa las llinguas n'Asturias el Director de la Real Academia de la Lengua Española, el d'Euskaltzaindia, el del Institut d'Estudis Catalans, el Gallegu José Luis Pensado, el Llïonés Roberto González, Madrileños difuntos cumu Alonso Zamora y Álvaro Balmés, el Pertués Julio Meirinhos, ou ata un Estaunidense, cun Gaiteiru Hevia incluyíu, si bien la mayoría d'eillos, a títulu "d'Honor" mientras outros rechazaran públicamente estos nomamientos. Emilio Alarcos, ún de los filólogos Hespañoles cun mayor prestixu internacional, fou nomáu "Persona non Grata" pula ALLA tres denunciare públicamente los sous intentos de manipulación del Bable pa creyar una llingua inventada y artificial, al igual que ficieran outros miembros cumu la Catedrática Josefina Martínez.
| Llingua Llïonesa | |
|---|---|
| Lliteratura | Escritores | Grupu Llinguísticu | Día de la Llingua Llïonesa |
